अब भन्नु मैले तपाईलाई भोट किन दिने ?
तपाईले चौरासी ब्यन्जन सहित भोजन गर्दै गर्दा मेरो घरमा १ पटक मात्र चुल्हो बल्ने गरेको छ ।
तपाईको घर जाने बाटो पिच हुँदा, मेरो घर जाने बाटो भत्काउनु भएको छ ।
म जग्गा विहिन हुँदै बेरोजगार हुदै गर्दा, तपाईले डोजर र भ्याकुले धमाधम जमिन भत्काउनु भएको छ ।
तपाईले गाडी चढ्ने हुँदा, मलाई साहु र बैंकले ऋण पत्याउन छाडेको छ ।तपाईको घरमा पानी जाँदा, मैले खाने पानीको मूल सुकेको छ ।
मेरो खेत बारी बाँझो हुँदा, तपाईले खेतीयोग्य जमीनलाई घडेरी बनाउनु भएको छ ।
तपाई र तपाईको नातागोताले जागिर पाँउदा, मेरा सन्तान नेपाल छोड्न बाध्य भएका छन्,
तपाईले निजी विद्यालय र कलेज खोल्दा, मेरो सन्तानले पढ्ने सरकारी विद्यालय मन्द भएको छ
मैले उपचार पाउने सरकारी अस्पताल थलिँदा, तपाईले निजी अस्पतालखोली सरकारी डाक्टरलाई तपाईले कजाँउनु भएको छ ।
तपाईले नानाभाती सेवा र सुविधा लिदै गर्दा, मैले तिर्ने करले मेरो ढाड सेकिएको छ ।तपाईले भ्रष्ट्रचार गर्दा र कमिशन खाँदा, मैले हरेक समानको महंगोमा किन्न परेको छ ।
मेरो छोरा छोरी खाडीमा तल्लो स्तरको काम गर्दै गर्दा, तपाईले आफ्ना छोरा छोरी युरोप र अमेरिका पठाउनु भएको छ ।
तपाईले गाँउको घर र जमीन छोडेर बजार जाँदा, गाँउ र घर खण्डहर भएको छ ।
तपाईले अक्सिजन र औषधी पाँउदा, मेरो परिवार सामान्य औषधी र उपचार नपाएर मरेका छन् ।
मेरा छोरी बलत्कृत र छोरा मारिदा, तपाईले शान्ति सुरक्षा उपभोग गर्दै हिड्नु भएको छ ।
तपाईलाई विरुद्ध बोल्ने मान्छे थुनिँदा, हामीलाई अपहेलित गर्ने, बोक्सी भन्ने मलमूत्र खुवाँउने खुलेयाम हिडेका छन् ।तपाईको आर्थिक हैसियत र आय बढ्दा, मेरो र मेरो परिवारको ऋण सँगै देशको ऋण बढेको छ,
म मर्न नसकेर बाँचेको छु ।
मेरा परिवार केही भोकले र केही रोगले खायो,
बाँचेकाहरु आफु र मलाई बचाउन देश विदेश गएका छन् ।
म एक्लै छु, असायह छु,
चुनावमा तपाईको नमस्कार र नाटकी मुस्कान बाहेक
देश समाज र परिवारको लागि तपाईबाट केही देख्न पाएको छैन,
पहिले पहिले पनि धेरै आस्वासन देखाउनु भयो तर केही गर्नु भएको छैन
त्यसैले
अब भन्नु मैले तपाईलाई भोट किन दिने ?
No comments:
Post a Comment